Mu mujyi wa Ruhango kwa Yezu Nyirimpuhwe ni ahantu habera isengesho buri cyumweru cya mbere cy’Ukwezi, isengesho rihuza abantu baturuka mu mpanze zose z’igihugu, ndetse n’abanyamahanga.

Mu kibaya cy’ubutaka butagatifu, ni ikibaya kiberamo isengesho ryo gusabira abarwayi, ni ahantu abantu bose baza kwiyegereza Imana, bagasenga, bagasaba imbabazi mu mitima yabo, bakicuza ibyaha, bagasengera abarwayi.

Hari n’ingoro ya Yezu Nyirimpuhwe ahantu umuntu ashengerera Yezu uri mu Karisitiya Ntagatifu, ahantu habera umwiherero wo gusenga ku bantu bifuza gusengera ahantu hatuje,igihe cyose umuntu abasha kugana iyi Ngoro agasenga,agakora umwiherero.

Mu Ruhango bakira abantu bose bashaka gusenga, bisaba kugira ukwizera ko Imana ikiza, yumva abarushye n’abaremerewe.

Ifoto yafatiwe ahantu hazwi kuba ibi bihugu bihurira,ni mu Kiyaga cya Kivu, mu karere ka Rusizi. Ibihugu bigize umuryango w’ibiyaga bigari (African Great Lake Region) uhuza Rwanda, Burundi na RDC ni ibihugu birimo ibiyaga binini, agace karimo amazi menshi cyane, ahantu hazwi kuba isoko y'imigezi minini muri Afurika,ni ahantu hari amashyamba manini kandi hari n’imisozi.

Usanga ibyo byose bituma hari amafunguro yihariye azwi muri buri gihugu kubera ubutaka bwaho bwera, bororeraho inyamaswa ndetse n’amazi meza ku nyamaswa ziba mu mazi.

Rwanda: Burusheti

Abanyarwanda bazwiho kugira burusheti nziza mu karere,burusheti y’ihene yokeje neza.Burusheti usanga hazwi ahantu botsa neza kurusha ahandi bigatuma bakunda kujyayo hamwe n’inshuti,abavandimwe n’abashyitsi.Ntuzibagirwe kurya Musokoro!

Repubulika Iharanira Demokarasi ya Congo(RDC): Isambaza n’Ubugali

Abakongomani bazwiho nk’abantu bakunda kurya inyama, Nyama ni Nyama! ari ibyo mu mazi, ku butaka no mu mashyamba. Isambaza ni ifunguro rizwi gutegurwa cyane n’abakongomani bakazirisha ubugali. Ntuzibagirwe kurya n’isombe!

Burundi: Umukeke

Imana yabahaye ikiyaga cya Tanganyika! Ikintu ukwiriye kumenya kiba I Burundi ni amafi meza amafi yitwa Umukeke. Umukeke uboneka ahantu hatandukanye mu mujyi wa Bujumbura cyane cyane mu nkengero z’ikiyaga cyangwa muri Bar na Restaurant ziri hirya no hino mu mujyi. Ahantu haba hazwi hakunzwe cyane.

 

N’ibimera biba bikwereka ko uri I Nyamirambo! Abantu batembere Kigali ndetse n’abayituye bumva Nyamirambo nk’ahantu hakurura abantu amasaha yose muri Kigali.

Ijoro ry’I Nyamirambo ni bimwe mu bintu bishobora kugushimisha, uvuye ku kazi, ushaka kuhatemberera muri Weekend, kuhahurira n’abantu no guhaha.

Nyamirambo ni agace gashyuha kabonekamo ibintu byinshi kandi byiza bikurura abahagenda, ku buryo bifuza kuhagenda nijoro

Dore ibintu ushobora gukora nijoro I Nyamirambo:

1. Kugenda n’Amaguru

Nimba ushaka gutembera neza I Nyamirambo, uzagende n’amaguru, nibwo uzabasha kubona ibintu byinshi, kumenya ahantu hatadukanye, guhura n’abantu. Kumenya uko ako gace k’umujyi wa Kigal gakurura abantu binger zose. Kandi uzaba uri no gukora siporo.

2. Kunywa Tea Vert mu Biryogo

Mu bantu bakunda gutembera I Nyamirambo ntabwo bakwibagirwa  kunywa icyayi cyizwi nka Tea Vert, Capati zaho ndetse n’inyama zigura 200!

Biryogo hazwi nk’ahantu abantu bashaka kurimba, kwambara neza, bajya guharira imyenda n’inkweto. Ni ahantu hari amaduka n’inzu zidoda imyenda nziza.

3. Kujya muri Restaurant

I Nyamirambo haba Restaurant zizi guteka amafunguro atandukanye yaba ayo mu Rwanda aya kinyafurika ndetse na mpuzamahanga. Ushaka Restaurant wafatiramo ibyo kurya wagana; Tamu Tamu Restaurant, Al Man Ran, Citizen Corner, Bamako Restaurant, Bom Dia Café & Resto, Chicken 2 Nite, Bambou Restaurant, Africana, Hello World.

4. Gukora Siporo kuri Sitade ya Kigali

I Nyamirambo nk’ahantu bakora nijoro, siporo iri mu bintu bakunda gukora ari abana, urubyiruko ndetse n’abakuze usanga bose bahurira inyuma ya sitade barimo gukora imyitozo itandukanye. Siporo ikorwa n’ umuntu  ku giti cye cyangwa ari itsinda ry’abantu bari kumwe. Kuwa Gatanu nibwo haba hari abantu benshi. Kuri Sitade kandi wahasanga n’abandi baje kubyina imbyino za kizungu (dance modern). Uzasanga n’abandi bantu benshi bajya mu nzu za siporo (Gym).Iyo uri ku muryango numero 5 uba witegeye umujyi wose ureba Convention Center,Aeroport,Imisozi ya Bumbogo,Jali na Rebero.

5. Gusohoka

Nimba ushaka kuryoshya uzasohokera I Nyamirambo! Ni ahantu haba abantu bafungutse mu bitekerezo (open minded).Bar nziza zirimo imiziki itandukanye harimo ibisope (Live Music) ,Ibimansuro (Live Dance).Wasohokera muri Plan B, Mexico Bar, Kwa Muteteli, Guiness, Barcode,

6. Kurya Umusokoro muri Bar Plan B

Ikintu ukwiriye kuza kurya I Nyamirambo ni Musokoro ibiryo bikunzwe cyane n’abatuye kandi bagenda Nyamirambo. Ni inyama zitetse neza kandi ziryoshye urisha ifiriti cyangwa Kawunga. Ushobora kugura ikiro cyangwa intusu!

7. Imikino y’imashini

I Nyamirambo abantu bose barishima, mu nzego zose, ushaka gukina imikino(jeux) gutwara imodoka, kurasa, gukina mupira n’iyindi wabona ahantu henshi wajya gukinira, ugahura n’abandi bantu bakunda iyo mikino. Ushaka no ku betting uzahasanga ibigo byinshi ku buryo wajya kwigeragereza amahirwe!

8. Gusoma muri Club Rafiki

Uri umuntu ukunda gusoma, ukunda ahantu hari ibitabo, amasaha ya nijoro wabasha kujya kwisomera ibitabo mu isomero rya Rafiki, ugasangamo ibitabo bitandukanye harimo iby’amateka, umuco, iby’amasomo, Ibinyamakuru (urugero:Journal Rafiki). Ni isomero riri mu masomero amaze imyaka myinshi mu Rwanda. Kuri Rafiki kandi wabasha no gukina Basket ball, Vallball, dame,…

9. Kubyina Kinyarwanda

Waruziko I Nyamirambo ariho hari igicumbi cy’amatorero akomeye mu Rwanda? Abenshi mu babyinnyi bayo batuye I Nyamirambo. Abenshi mu babyinnyi b’itorero ry’Igihugu Urukerereza batuye I Nyamirambo! Mu masaha ya nijoro niho ayo matorero akora imyitozo, ushaka kujya kureba, kwiga kubyina wabasanga. Amwe mu matorero akorera I Nyamirambo harimo Inganzo ngari, Intayoberana, Inkindi itatse, Imena ndetse n’Itorero ry’umujyi wa Kigali .

10. Gusenga

Mu ijoro ry’I Nyamirambo ni umwanya mwiza wo kujya kwegera imana. Nyamirambo ni ahantu hari amadini atandukanye harimo abakatolika, abasilamu, abadivantiste, Assemble de Dieu n’abandi. Ku muntu  ushaka gusenga wahatembereye nijoro ugomba kumenya gahunda y’urusengero cyangwa y’umusigiti.

 

U Rwanda ni igihugu gifite imijyi mu mpanze zose z’igihugu, ariko muri iyo mijyi harimo ikunzwe n’abantu , abantu bakunda kugendamo kubera impamvu zitandukanye; gukora, kwiga, kunyuramo, gutembera, gutura, gusenga, gusura abantu n’ibindi bitandukanye bituma hagendwa cyane.

Dore imijyi 10 isurwa cyane:

10. Umujyi wa Nyagatare

Umujyi  uri ku nkiko z’u Rwanda mu burasirazuba, uri hafi y’igihugu cya Uganda, uzwi kuba unyurwamo n’abantu bajya cyangwa bava Uganda, ukaba umujyi uri ahantu h’umurambi. Ni umujyi ufite Kaminuza y’u Rwanda ishami ry’ubuhinzi n’Ubworozi bituma ugendwa cyane.

9. Umujyi wa Gicumbi

Umujyi uri hafi y’umujyi wa Kigali, ukaba uri hafi y’umupaka w’u Rwanda na Uganda, bigatuma unyurwamo nabagana Uganda ndetse na Kenya. Umujyi uherereye ahantu h’imisozi, hazwi kuba hakonja cyane. Urimo Kaminuza nayo ituma ugendwa cyane.

8.Umujyi wa Rwamagana

Umujyi ukuze cyane mu Rwanda, ni umujyi ufite amateka ku barabu bawucururijemo kera. Ni umujyi uri hafi y’umujyi wa Kigali, unyurwamo n’abantu bagana cyangwa bava mu bihugu bitandukanye nka Uganda, Tanzania n’ibindi bya Afurika. Ni umujyi uzwi kuba urimo hafi y’ibigo bikomeye bya gisirikare n’abapolisi, bigatuma wakira amahugurwa menshi. Ni umujyi unyuramo ujya mu mujyi wa Nyagatare no muri Pariki y’igihugu y’Akagera.

7. Umujyi wa Huye

Umujyi uri mu majyepfo y’u Rwanda, ufite amateka menshi cyane, uzwi nk’umujyi wubatsemo Kaminuza ya mbere Nkuru mu Rwanda, inzu zifite amateka menshi. Ni umujyi unyurwamo n’imodoka zigana mu bihugu bidukikije nk’u Burundi, abagana mu mujyi wa Rusizi n’abasura Pariki y’Igihugu ya Nyungwe.

6. Umujyi wa Nyanza

Umujyi uzwi nk’umujyi w’Abami bategetse u Rwanda, umujyi ufite amateka menshi inzu ndangamurage zikurura abanyarwanda n abanyamahanga, ibigo by amashuri byinshi kandi byiza! Umujyi unyuramo ugana mu yindi mijyi nka Huye, Rusizi ndetse n’igihugu cy’u Burundi.

5. Umujyi wa Muhanga

Umujyi uri hagati no hagati mu gihugu, umujyi ushobora kunyuramo ukagera aho ushaka hose mu Rwanda. Ni umujyi uri hafi ya Kigali mu rugendo rw’i minota mirogo itatu, umujyi urimo amashuri menshi, ahantu ndangamateka. Ni umujyi unyuramo ujya muyindi mijyi nka Karongi, Nyanza, Huye.

4. Umujyi wa Musanze

Umujyi uri ku birenge by’ibirunga, ni umujyi ukurura abantu benshi kubera ikirere cyaho cyiza, ibikorwa by’ubukerarugendo bihari no mu nkengero zawo. Uri hafi y’umupaka w’u Rwanda na Uganda ku Cyanika, uri hafi y’ibiyaga by’impanga bya Burera na Ruhondo.Ni umujyi uberamo inama, amahugurwa n’ibindi byinshi. Ukanyurwamo n’abagana mu yindi mijyi nka Rubavu, Muhanga, Rusizi na Goma (RDC).

3. Umujyi wa Ruhango

Umujyi uri mu majyepfo y’u Rwanda, uzwi cyane ku isengesho riwuberamo buri cyumweru cya mbere cy’ukwezi kwa Yezu Nyirimpuwe, aho abantu baturutse impande zose z’igihugu no mu bindi bihugu baza kuhasengera. Ni umujyi wakira abantu benshi kuri uwo munsi kandi hanyuramo n’abandi bagana mu yindi mijyi nka Muhanga, Huye, Nyanza n’ahandi

2. Umujyi wa Rubavu

Umujyi ukurura abantu benshi cyane kubera uherereye ku nkengerzo zikiyaga cya Kivu,ugahana imbibi n’umujyi wa Goma muri RDC. Ni umujyi ufite umupaka wa mbere unyurwaho n’abantu benshi mu Rwanda ari abakora ubucuruzi, abatemberera muri ibi bihugu byombi no mu Karere. Uzwi kuba uri mu mijyi y’impanga mu Karere k’Ibiyaga Bigari (Twins Cities in Great Lake Region).

1. Umujyi wa Kigali

Umujyi wa Kigali, la Capitale! Ni umujyi utuwemo n’abantu benshi cyane, umujyi unyuramo abanyarwanda bagana mu bice bitandukanye by’igihugu. Umujyi urimo ikibuga cy’indege mpuzamahanga cya Kigali (Kigali International Airport) gituma unyurwamo n’abanyamahanga benshi, inama ziwuberamo, ibikorwa bitandukanye bikorerwamo n’ibindi byinshi bituma usurwa, ugaturwa, ukagendwa cyane mu Rwanda.

 

Ibihugu bigize umuryango wa Afurika y’Uburasirazuba (East Africa Community) ni ibihugu bifite amafunguro yihariye, amafunguro meza ateguye neza, amafunguro buri gihugu cyizwiho ko abanyagihugu bacyo bazi kuyategura.

Gutembera muri kimwe muri ibi bihugu ni byiza kumenya icyo ukwiriye kurya, icyo ukwiriye gusangiza abandi.

Uganda: Luwombo N’Umunyigi

Abagande bazwi nka bantu bakunda kurya igitoki. Umunyigi ni igitoki bateka mu buryo bwihariye bakakirisha ubunyobwa. Luwombo n’Umunyigi ni amafunguro ukwiriye kurya watembereye muri iki gihugu. Ntuzibagirwe no kurya Rolex!

Rwanda: Burusheti (Brochette)

Abanyarwanda bazwiho kugira burusheti nziza mu karere, burusheti y’ihene yokeje neza. Burusheti usanga hari ahantu hazwi ko botsa neza kurusha ahandi bigatuma bakunda kujyayo hamwe n’inshuti, abavandimwe n’abashyitsi. Ntuzibagirwe kurya Musokoro!

Burundi: Umukeke

Imana yabahaye ikiyaga cya Tanganyika! Ikintu ukwiriye kumenya kiba I Burundi ni amafi meza amafi yitwa Umukeke. Umukeke uboneka ahantu hatandukanye mu mujyi wa Bujumbura cyane cyane mu nkengero z’ikiyaga cyangwa muri Bar na Restaurant ziri hirya no hino mu mujyi. Ahantu haba hazwi hakunzwe cyane.

Kenya: Sukumawiki na Ugali

Abanyakenya bazwi kuba bakunda ugali na Sukumawiki. Ni amafunguro usanga muri Restaurant nyinshi mu mujyi minini ya Kenya. Ni imboga zikunzwe cyane n’abanyakenya barisha ugali.Ntuzibagirwe kurya Nyamacoma!

Tanzania: Pilawu

Abatanzaniya bazwiho kumenya guteka umuceli w’ipilawu,bafite ubuhanga cyane muri aka karere. Nk’igihugu kirimo abasiramu benshi, abarabu n’abahinde benshi, usanga ipilawu yarabaye ifunguro rifatwa na benshi muri Restaurant na Hotel ndetse  no mu miryango. Umuceli wamabara yose, urimo ibirungu bya kwanza! Ntuzibagirwe kurya Capati.

Sudan y’epfo: Nyette itetse mu bunyobwa

Igihugu gishya ku isi! Abanyasudani y’epfo kubera aho igihugu cyabo giherereye mu karere, amoko yabaturage bagituye, ibihugu bihana imbibi harimo n’abarabu. Imboga z’icyatsi  zitwa Nyete ziribwa cyane n’abantu ba Bari, ziba zitetse mu bunyobwa, bikaba isosi itetse,  ukayirisha imyumbati, ibigoli,ibirayi n’amasaka. Ntuzibagirwe kurya na Kisra!

Umujyi wa Kigali ni umurwa mukuru w’u Rwanda kuva mu 1962. Kuva mu mwaka wa 2006, umujyi wa Kigali ugizwe n’uturere dutatu aritwo Gasabo, Nyarugenge na Kicukiro. Umujyi wa Kigali ufite ubuso bungana na kirometero kare 738 (738 km2) ukaba urimo igice cy’umujyi n’igice cy’icyaro. Ni umujyi utuwe n’abaturage bagera kuri miliyoni 1,200.

Hari uburyo bwinshi bufasha abantu gukora ingendo mu mujyi wa Kigali ndetse no mu nkengero zawo,  hari ukugenda n’amaguru, kugenda n’ ibinyabiziga igare, moto cyangwa imodoka. Waba uri ahantu abantu bategera imodoka hose wabasha kubona uko ugera aho ushaka kujya.

Dore ibintu 5 ukwiriye kumenya mu gutegura urugendo mu mujyi wa Kigali:

1. Kuba ufite ikarita TAP & Go

Mbere na mbere ni byiza kubanza kubona ikarita ya Tap & Go, ikarita igura amafaranga 1000 y’amanyarwanda, hariho 500 uhita utangiriraho ukoresha ingendo. Ni byiza kumenya niba ufiteho amafaranga ahagije bitewe naho uteganya kujya. Ni ikarita ukoza ku ka mashine kari ku muryango, hakavanaho amafaranga angana n’urugendo ugiye gukora. Ni byiza kwirinda kubyigana ukozaho hari igihe mubyigana akavaho cyangwa wakwinjira ugasanga imyanya yashize!.

2. Kuba uzi numero ziranga imodoka igana aho ujya

Imodoka zikora ingendo rusange (Bus/Coaster) zifite imibare yanditse imbere, igaragaza aho iyo modoka igana. Kandi imodoka iba isize irangi bitewe naho yerekeza n’ ikigo cyemerewe gutwara abagenzi aho.

3. Gutega moto

Abamotari nibo bantu bazi ahantu henshi mu mujyi wa Kigali! Moto niyo ifasha kwihuta iyo uri mu rugendo rwihuta. Kumenya aho ugana bifasha umumotari, kuko ahenshi mu mujyi hazwi ku mazina yaho! Umumotari aguca amafaranga mukumvikana.Hariho n’uburyo bwo kubara ibirometero ugenze, akaba aribyo wishura bigendewe ku giciro cyagenwe kuri kirometero. Ntuzibangirwe kwambara ingofero (Casque)!

4. Gutega Taxi Voiture

Gutega imodoka ntoya zizwi nka Taxi Voiture nabyo birafasha mu rugendo hano mu mujyi wa Kigali. Ushaka kujya ahantu wumva ufite umutekano uhagije, ahantu wumva hagendeka, gutega Taxi Voiture biroroshye. Murumvikana ku giciro cy’urugendo bitewe naho ugana. Ubu haje n’uburyo bwo gukoresha akamashini kabara ukishyura bitewe n’ibirometero ugenze bigendewe ku giciro cyagenwe kuri kirometero.

5. Gukoresha ikoranabuhanga

Guhamagara ikinyabiziga kikagusanga aho waba uri hose ukoresheje ikoranabuhanga, apulikasiyo (application) ushyira muri telefone yawe, ni uburyo bufasha mu ngendo mu mujyi wa Kigali haba kuri moto na Taxi Voiture. Ukwiye kumenya gukoresha ubu buryo kuko burizewe.

Kuva tariki ya 29 Ukwakira 2005 isi yose yizihiza umunsi mpuzamahanga wa interineti(International Internet Day) kuzirikana abantu bafashije mu kubaka ubu buryo bw’ikoranabuhanga bwa interinete.Ni umunsi utuma abatuye isi cyane abayikoresha ukuntu yahinduye ubuzima bwacu bwa buri munsi.

Interineti ni uburyo bwo kohererezanya ubutumwa bukava kuri mashine imwe bukajya ku yindi. Byatangiye tariki ya 29 Ukwakira 1969, bitagijwe n’umugabo Leonard Kleinrock n’umunyeshuri muri kaminuza muri Leta z’unze ubumwe z’Amerika bagerageza kohererezanya ijambo Login. Ni ibintu byatangiye byanga, ku buryo zimwe mu nyuguti zitabashaga kugera ku wundi. Bivugwako mu bantu b’ingenzi batumye interinete ibaho ari: Leonard Kleinrock, Charley Kline, Bill Duvall na Neil Armstrong na Buzz Aldren.

 

East African Night of Tolerance Festival uyu mwaka wa 2018 yabaye ku nshuro ya karindwi.Ni iserukiramuco ryahuzje ababyinnyi bavuye mu bihugu by’u Rwanda,Uganda, Repubulika Iharanira Demokarasi ya Congo(RDC) n’u Burundi.

Ababyinnyi ku giti cyabo cyangwa itsinda ry’ababyinnyi bo muri ibyo bihugu basusurukije abitabiriye iri serukiramuco ryamaze iminsi ibiri ribera muri Kigali Cultural Village, ku itarki ya 26 na 27 Ukwakira 2018.

Ababyinnyi batojwe n’abatoza babigize umwuga batandukanye bavuye ku migabane y’isi itandukanye harimo Wesley Rubiziza umunyarwanda w’umubyinnyi akaba ariwe washinze Amizero Dance Kompagnie itegura  iri serukiramuco.

Umutoza Catherine Nakawesa (AKA Kasalina) ni  umubyinnyi, umwanditsi w’umugade na Louis Clement da Costa  w’umubyinnyi  wavuye mu Bufaransa.

Ni iserukiramuco ryitabirwa n'abanyarwanda ndetse n'abanyamahanga bakunda ubu buryo bwo kubyina bujimije kandi butanga inyigisho zo mu buzima abantu babaho mu isi. Rituma kandi abantu bishima, bakidagadura, bagasangira ibitekerezo, bakamenyana.

 

 

 

Urugendo Nyobokamana rwo kujya gusura ahantu hatagatifu mu gihugu cya Israheli kuva tariki ya 29/11/2018 - 08/12/2018.  Ni urugendo rw’iminsi  10 rugizwe no Gusenga, Gusura ahantu hatagatifu kandi ruruherekejwe n’umupadiri.

Umuntu wifuza gukora uru rugendo asabWa  kwishyura amadorali ibihumbi bibiri na Magana Inani 2800$ harimo;

Ø       Itike y’indege yo kugenda no kugaruka Kigali-Telaviv-Kigali

 Visa yo kwinjira mu gihugu cya Israheli

 Amacumbi

 Amafunguro ya mugitondo, saa sita na nimugoroba

Imodoka ibatembereza ahantu hatagatifu; Betelehemu, Nazareti, Kana, Yordani, Yeriko, Yeruzaremu, Imva ya Yezu n’ahandi hantu hafite amateka.

Ubwato bubatembereza mu Nyanja  ya Galileya

Ubwato bubatembereza mu Nyanja y’umunyu

Abaguide babigize umwuga

Ni urugendo rwateguwe na Tabor Tours ifite uburambe mu gutegura ingendo ntagatifu zo kujya muri Israheli kuva mu mwaka wa  2009.

Ukeneye kwiyandikisha cyangwa ibindi bisobanura wabaza kuri

Numero˸ 0788 587 100/ 0784 678 799/ 0788 513 168  na Email˸tabordtours@gmail.com

Cyangwa  ukaba wabasanga ku biro byabo kuri Kiriziya ya St Michel mu mujyi mu masaha y’akazi.

Kwiyandikisha bizarangira Tariki ya 31 Ukwakira 2018.

Ni urugendo rw’abantu bose babyifuza mu madini atandukanye.

Mu kiryamo cy’Inzovu I Jali mu Karere ka Gasabo hari ahantu ho gukapinga ku bantu babishaka, bashaka kuruhuka, kuganira. Ni ahantu hafite amateka, ahantu umuntu aba areba imisozi ikikije umujyi wa Kigali. Ni ahantu ho gukorera ubukerarugendo burambye 100%.

1. Ahantu ho kuruhukira

Ni ahantu ho kuruhukira ku bantu babyifuza, ahantu hatuje, hari umwuka mwiza, ahantu  ho gutemberera wenyine, abavandimwe, inshuti cyangwa itsinda ry’abantu. Hari ibyangombwa byibanze birimo;  amahema (Tente) yo kuraramo, intebe zo kwicaraho hanze, Gaz yo gutegura amafunguro atandukanye, n’ibikoresho by’isuku. Buri kwezi habera Siporo rusange abantu barusheho kuruhuka neza kandi bagire umubiri mwiza.

2. Ahantu ho kwigira amateka

Mu Kiryamo cy’Inzovu no ku Nzoga za Rubingo, ni ahantu ndangamateka na ndangamuco, umuntu wahatemberera azabasha kumenya byinshi ku mateka yaho, amateka y’abami bategetse u Rwanda, ibyabaye aho hantu mu nkengero zaho ndetse no mu Rwanda muri rusange. Ni ahantu hazafasha abantu benshi mu kumenya amateka no gusigasira imirage y’abakurambere.

3. Ahantu bakoresha imirasire y’izuba

Mu rwego rwo kwirinda kwangiza ibidukikije, mu gufasha abantu bazajya gukapinga I Jali bazajya bakoresha ingufu zituruka ku mirasire y’izuba. Ingufu ziboneka ku buryo abantu bazajya baryama ahantu habona.

4. Ahantu hateza imbere abaturage bahaturiye

Mu guteza imbere ubukerarugendo burambye, iyi camp site iteza imbere abaturage bahaturiye ku buryo babona aho bagurisha ibyo bejeje, abandi bazahabona akazi. Abahatembereye bazajya bahaha ibintu bituruka muri ako gace n’ibindi byinshi bikorwa n’abaturage.

5. Ahantu bita ku bidukikije

Jali ni umwe mu misozi ikikije Kigali, ni ahantu hari imisozi iriho ibidukikije birimo amashyamba n’imigezi. Abantu bazajya baruhukira aha hantu bazabasha kubungabunga ibidukikije, birinde kujugunya imyanda aho babonye kandi bamenye byinshi ku mashyamba akikije uyu musozi. Umuntu azabasha kubona inzu ya Kinyarwanda yubakishije ibyatsi, inzu za kera abanyarwanda bubakaga, umuntu akareba ubumenyi abakera babaga bafite mu kubaka.

 

Page 10 of 35

Igiseke

culture-in-rwanda

Kwamamaza

Umurage Wacu 3lOGO UMURAGECqAJqoFW8AAF6RY.jpg large

Facebook

Inkuru zose

© 2016  Umurage Wacu  Group 

Tel:+250 783541018 /728541018

Email:umuragewacugroup@gmail.com

Address:Kigali-Rwanda

Design by FRI SOFT Ltd